မင်္ဂလာအပေါင်းနဲ့ပြည့်စုံပြီး ပျော်ရွှင်စရာကောင်းတဲ့ နှစ်သစ်ဖြစ်ပါစေလို့ ဆုမွန်ကောင်း ပို့သအပ်ပါတယ်။ အားလုံးလည်း ၂၀၁၉ ခုနှစ်ကို အကောင်းဆုံးစတင်နေပြီလို့လည်း မျှော်လင့်ပါတယ်။ ကျွန်တော်တို့ NYDC အနေနဲ့ ၂၀၁၈ ခုနှစ်ကို အလွန်အရေးပါတဲ့ မှတ်တိုင်သစ်တစ်ခုနဲ့ အဆုံးသတ်ခဲ့ပါတယ်။ ရန်ကုန်မြို့သစ်ရဲ့ Master Plan ပထမအဆင့်နဲ့ စပ်လျဉ်းတဲ့ အလုပ်ရုံဆွေးနွေးပွဲ (visioning workshop) ကို ဒီဇင်ဘာလအတွင်းမှာ ပြုလုပ်ခဲ့ပါတယ်။ ဒီအလုပ်ရုံဆွေးနွေးပွဲကို ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်း၊ ရန်ကုန်မြို့တော်စည်ပင်သာယာရေး ကော်မတီအဖွဲ့ဝင်များ၊ မြန်မာနိုင်ငံဗိသုကာအသင်းနှင့် မြန်မာနိုင်ငံအင်ဂျင်နီယာအသင်းတို့မှ အဖွဲ့ဝင်များ၊ NYDC နဲ့ သက်ဆိုင်သူများနှင့် အခြားဖိတ်ကြားထားသော ဧည့်သည်တော်များ တက်ရောက်ခဲ့ကြပါတယ်။ NYDC က စီစဉ်တဲ့ ဒီအလုပ်ရုံဆွေးနွေးပွဲမှာ AECOM မှ ရန်ကုန်မြို့သစ်ရဲ့  Master Plan ပထမအဆင့် မူကြမ်းကို တင်ပြဆွေးနွေးခဲ့ပါတယ်။ […]